بسم الله الرحمن الرحيم
موضوعنا النهاردة عن عيد الفطر المبارك لعام 2013
تقريبا فاضل علي رمضان حوالي اسبوع
و عدي بسرعه كالعاده و الواحد حاسس انه كان لسه اول يوم امبارح
هو بيجي بخير و بركه لكل الناس بأذن الله
بس بيعدي هوا من جمال هذا الشهر الكريم
نعود لموضوعنا و هو عن عيد الفطر المبارك
تقريبا كل الناس بتقضي العيد مع اقاربها و اصحابها و في ناس بتقضيه في البيت
بس قبل كل ده زي مانت بتفرح و بتبقي مبسوط لما بيجي العيد
حاول تخلي كل اللي حواليك مبسوطين
في ناس مش بتبقي معاها فلوس تجيب حتي لبس العيد اللي عندك انت اساسي و مينفعش من غيره العيد
حاول تعمل اي صدقه قبل العيد تساعد بيها و لو حتي واحد محتاج
و زي مانت هتفرح فرح قلب اي واحد غلبان باللي تقدر عليه
و متنساش الزكاه قبل ما صلاه العيد تبدأ لازم تكون طلعتها
و ربنا يبارك لكل واحد فينا ان شاء الله في الايام المتبقيه من الشهر الكريم
و ربنا يسعد الجميع في العيد
0 التعليقات:
إرسال تعليق
تعليـــفك هنـــا يعبــــر عنــــك